Тренираш ама не забележуваш прогрес?
Понекогаш гледам девојки посебно во теретана што вежбаат редовно, се трудат ама едноставно пак немаат резултати какошто сакаат. Ако ти си една од нив, продолжи да читаш! Тука ќе ти дадам неколку причини кои можеби те попречуваат за да ги постигнеш своите цели, а ќе ти дадам и совети што можеш да ги примениш за конечно да видиш glute gains!!!
1. Кардио тренингот ти е погрешен!
Кардиото не ни е непријател кога сакаме да градиме мускулна маса, но многу е важно да се фокусираме на правилниот тип на кардио. Фокусот нека биде на кардио во коешто ќе одржуваме некое средно темпо околу 20-30 минути неколку пати неделно. Заборави на долгите кардио тренинзи и на 60 минути трчање на трака или орбитрек.
Кардио тренингот секогаш се прави после тежинскиот тренинг, а не пред!
2. Формата на изведување на вежбите ти е погрешна!
Техниката и темпото на изведување на вежбите ни е буквално СЕ! Една мала грешка во чучњеви или hip thrust може да биде причината зошто не гледаш резултат.Дополнително тоа може да води и до повреда. Гледај секогаш формата да ти биде приоритет пред бројката на направени повторувања. Доколку не си сигурна секогаш можеш да прашаш вработен Таму кадешто вежбаш или пак доколку вежбаш дома ти стојам секогаш на располагање. Ако си дел од моите програми веќе знаеш дека се е детално објаснето.
3. Повторуваш една иста рутина за вежбање со исти тежини веќе некое време
Веќе знаеме дека не е добро секоја недела да ги менуваш тренинзите и вежбите, но исто така не е добро и кога одиш со една програма и рутина но цело време си со исти отпор и исти тежини. Тоа значи дека после некое време твоето тело ќе почне да стагнира и дека ќе се навикне и нема да може да прави дополнителен прогрес. Не се плаши да додадеш дополнителен отпор со ластици и тегчиња во тие тренинзи за да ги направиш уште по предизвикувачки и да ги потткинеш мускулите да растат.
4. Не тренираш до отказ
Или тоа би значело дека не се предизвикуваш доволно и не работиш со тежина која ти одговара туку секогаш ја бираш ‘’ помалата ‘’ тежина. Ако сакаш мускули на задникот, верувај ми, ти требаат тежините..Ќе те потсетам пак, најголемите мускули во нашето тело се глутеусите. Дај им малку отпор и не ги штеди!
5. Твојата исхрана e погрешна
Тренингот е само 50% од целата приказна. Можеби тренираш супер и тренинзите ти се одлични, но дали храната којашто ја јадеш во тек на ден е во скалд со целите што сакаш да ги постигнеш? На твоите мускули им треба правилната исхрана за да растат затоа Биди сигурна дека барем внесот на протеини во тек на еден ден ќе ти биде константен (1.5-2гр на 1 килограм телесна тежина).
6. Не си доволно трпелива и сакаш брзи резлутати
Трпение и константност се клучот за било каква физичка активност. Твоето тело физички не може да се смени преку ноќ, така што од големо значење е да се држиш до програмата одреден временски период. Само размисли колку ќе бидеш горда на себе тогаш кога ќе дојдеш до посакуваната цел.
7. Не го следиш својот прогрес
Ако не си го следиш прогресот, тогаш како ќе знаеш дали имаш резултати? Можеби се гледаш во огледало и ти изгледа дека нема многу разлика, но кога ќе се измериш гледаш дека можеби си постигнала и повеќе отколку што си очекувала. Сликај се и мери се секогаш во исто време, најдобро еднаш неделно на празен стомак наутро.
8. Немаш доволно одмор
Многу луѓе ја потнецуваат важноста на сонот, но тогаш се случува целата магија.Кога нашето тело одмара, тогаш мускулите растат. Ако немаш доволен и квалитетен сон тогаш мускулите нема да можат да се опорават добро, да се обноват и да растат.Исто така голема е веројатноста дека нема да имаш доволно сила наредниот ден за да можеш да одиш на тренинг и да дадеш се од себе. Пробај да имаш 7-8 часа квалитетен сон секоја вечер.
9. Можеби ти треба партнер за вежбање
Некогаш многу значи да имаш некој до себе што ќе вежба заедно со тебе и што те бутка секогаш кога мислиш дека не можеш. Поголема е мотивацијата за да останеш посветена и да тренираш како што треба кога имаш тренинг партнер. Некои луѓе сакаат да тренираат сами, но на некои им е потребна поддршка за да не прескокнуваат тренинзи и да дадат 100% на тој тренинг. Кога имаш тренинг партнер можеш да се впуштиш и да пробаш да тренираш со поголеми тежини затоа што знаеш дека секогаш има некој што ќе ти помогне да ги направиш последните 2,3 повторувања.
10. Следиш погрешна програма
Ние сме сите природно убави и уникатни, а со тоа имаме и различна генетика, тип на тело и метаболизам. Тоа значи дека една програма не може да биде идеална за сите. Во зависност од тоа што сакаш да постигнеш и што е твојата цел треба да избереш и програма што ќе ти одговара. Доколку сакаш само да бидеш физички актвина и да се исклучиш во тек на ден по 1 час тогаш веројатно нема многу да ти смени која програма ќе ја почнеш па дури можеби и да си вежбаш рандом тренинзи од YouTube. Но доколку имаш замислена цел (на пример, сакам поголем задник, помал стомак, или пак сакам помал струк поголем грб) тогаш веќе знаеш дека мораш да одбереш програма што ќе ја водиш 6-12 недели и ќе биде прилагодена на твоите цели со тоашто ќе ги таргетира баш тие делови што сакаш да ги ‘’поправиш’’.
Новата SomaFit Glute Power програма ќе има 3 тренинзи за нозе и задник неделно и ти ветувам дека ќе биде твоето најдобро искуство досега.
